
局米旁大师教言集MP252略说清净成词疏
21-2-1a
略说清净成词疏
名义
༄༅། །ཡང་དག་གྲུབ་པའི་ཚིག་འགྲེལ་མདོར་བསྡུས་བཞུགས་སོ།
21-2-1b
།བླ་མ་མཆོག་དང་དཔལ་ཆེན་པོ། །དབྱེར་མེད་ཞབས་ལ་གུས་བཏུད་ནས། །སྒྲུབ་ཐབས་ཡང་དག་གྲུབ་པ་ཡི། །ཚིག་འགྲེལ་མདོར་བསྡུས་བྲི་བར་བྱ། །འདི་འཆད་པ་ལ་དོན་བཞི་སྟེ། །མཚན་དོན། འགྱུར་ཕྱག །གཞུང་དོན། མཇུག་དོན་ནོ། །དང་པོ། རྒྱ༷་ག༷ར་སྐ༷ད་དུ༷། ས༷ཾ་སི༷་དྡྷི༷་མ༷་ཧཱ༷་ཤྲཱི༷་ཧེ༷་རུ༷་ཀ༷་ནོ༷་པི༷་ཀ༷་ནཱ༷་མ༷། བོ༷ད་སྐ༷ད་དུ༷། དཔ༷ལ་ཁྲ༷ག་འཐུ༷ང་ཆེ༷ན་པོ༷འི་སྒྲུ༷བ་ཐ༷བས་ཡ༷ང་ད༷ག་པར་གྲུ༷བ་པ༷་ཞེ༷ས་བྱ༷་བ༷། ཞེས་པས་བསྟན་ཏེ། རྒྱལ་བ་ཀུན་གྱི་ཡེ་ཤེས་ཁྲོ་བོའི་གཟུགས་སུ་ཤར་བ་དོན་གཉིས་ལྷུན་གྱིས་གྲུབ་པའི་དཔལ་ཁྲག་འཐུང་ཆེན་པོའི་སྒྲུབ་ཐབས་ཕྱིན་ཅི་མ་ལོག་པར་བསྟན་པས་ན་ཡང་དག་པར་གྲུབ་པ་ཞེས་བྱ་བ་ཞེས་སོ། །
译敬
གཉིས་པ། བདུད་བཞི་ལ་སོགས་
21-2-2a
པ་མི་མཐུན་པའི་ཕྱོགས་མཐའ་དག་བཅོ༷མ་ཞིང་སྐུ་དང་ཡེ་ཤེས་ལ་སོགས་པའི་ཡོན་ཏན་མ་ལུས་པ་དང་ལྡ༷ན་པ་སྲིད་ཞིའི་མཐའ་ལས་འད༷ས་པ། དོན་གཉིས་ཀྱི་དཔལ་མངའ་བ་མཁྱེན་བརྩེ་རྨད་དུ་བྱུང་བའི་ཆོ་འཕྲུལ་ཆེན་པོས་ཁྲོ་བོའི་རྣམ་པར་བསྟན་ཏེ་བདུད་དང་ལོག་པར་འདྲེན་པ་མཐའ་དག་གི་སྙིང་ཁྲ༷ག་འཐུང༷་བར་མཛད་པ་དཔའ་བོ་ཆེ༷ན་པོ༷་ཡང་དག་ཧེ་རུ་ཀའི་ཞབས་ལ༷་གུས་པས་ཕྱག༷་འཚ༷ལ་ལོ༷། །ཞེས་སོ། །
正文
གསུམ་པ་ལ་སྒྲུབ་པའི་དམིགས་ཡུལ་དང་། སྒྲུབ་པའི་ཐབས་གཉིས་ལས།
所缘修
དང་པོ་ཡུལ་ཆོས་དབྱིངས་རང་བཞིན་གྱིས་དག་པའི་གནས་ལུགས་ཡ༷ང་ད༷ག་པ་ཉིད་ཡུལ་ཅན་ཡེ་ཤེས་ཀྱིས་མངོན་དུ་མཛད་པའི་ཚུལ་གྱིས་གྲུ༷བ་པ༷་གང་ཞིག །དབྱིངས་ཡེ་གཉིས་སུ་མེད་
21-2-2b
པའི་བདག་ཉིད་གཅི༷ག་པུ༷་ཉི༷ད་དེ་ནི་སང༷ས་རྒྱས༷་ཐམས་ཅད་ཀྱི་ཟག་མེད་ཀྱི་བདེ༷་བ་ཆེ༷ན་པོ་ཀུ༷ན་འ༷དུ༷ས་པ༷་ཡི་རང་བཞིན་ཡིན་ལ། ཆོས་ཉིད་མཉམ་པ་ཆེན་པོ་ལས་མི་གཡོ་བའི་རྣལ༷་འབྱོར༷་ཟ༷བ་མོ༷་དེ་ལྟ་བུ་ལ་ཆོས་ལོངས་སྤྲུལ་པའི་སྐུ༷་གསུམ༷་རྫོག༷ས་པར་མངའ་བ་རང་དོན་ཕུན་ཚོགས་དང་། མཁྱེན་བརྩེ་ཆེན་པོས་གསང་གསུམ་གྱི་རོལ་པ་ནམ་མཁ༷འ་རབ་འབྱམས་ཀྱི་ཁམས་ཁྱབ་པར་འགྲོ༷་ཞིང་རྟག་ཏུ་གདུལ་བྱའི་དོན་མཛད་པ་སྒྱུ༷་མ༷་ལྟ་བུའི་རྣམ་རོལ་སྟོན་ཅིང་། བླང་དོར་མེད་པའི་ཆོས་ཉིད་ལ་མངའ་དབང་འབྱོར་བས་འདོད་ཡོན་མ་སྤངས་གྲོགས་སུ་ཁྱེར་བས།དམན་ལམ་ལ་ལྟོས་ན་བདེ༷་ཞིང་། དེ་ལྟར་སྤྱོད་ཀྱང་ཐ་མལ་གྱི་འཆིང་བ་དང་བྲལ་ཞིང་ལམ་དུ་གྱུར་བས་འཇིག་རྟེན་པ་ཀུན་ལས་མཆོ༷ག་ཏུ་གྱུར་ལ། མཐར་ཕྱིན་འགྱུར་མེད་མཆོག་གི་བདེ༷་བ་ལ་འགྲོ་ཀུན་འགོད་པའི་དཔལ་མངའ་བ་ནི་གཞན་དོན་ཕུན་ཚོགས་ཏེ། དེ་ལྟར་དོན་གཉིས་ཡོངས་སུ་རྫོགས་པ་དཔལ་ཆེན་པོ་རིགས་ཀུན་གྱི་ཁྱབ་བདག་གཅིག་པུར་གྱུར་པ་ལ་དམིགས་ནས་ལམ་སྒྲུབ་པར་བྱ་བ་ཉིད་དོ། །
修持方便
གཉིས་པ་སྒྲུབ་པོ་དང་། དེས་ཇི་ལྟར་སྒྲུབ་ཚུལ་གཉིས།
修持者
དང་པོ་རྡོ་རྗེ་ཐེག་པའི་ལམ་གྱི་གསང་བ་ཟབ་མོ་རྟོགས་ནུས་པའི་ཤེ༷ས་
21-2-3a
ར༷བ་ཀྱིས༷་ནི༷། རང་རྒྱུད་ཀྱི་བློ༷་ཁ་ཕྱེ༷་བར་བྱས་ན༷ས་སྔགས་ལ་མོས་པའི་གང་ཟག་དེ་ཡི་རྒྱུད་ངེ༷ས་པ༷ར་བརྟག༷ས་ནས་གལ་ཏེ་བསྟན༷་པའི༷་སྣོད་དུ་གྱུར་པ་ཡིན་ན་དེ་ནི་ཇི་ལྟར་ས༷་གཞི༷་བཟང་པོ་ལོ་ཏོག་སོགས་ཀྱི་གཞི་རྟེན་ཡིན་པ་བཞིན་ཡོན་ཏན་གྱི་རྟེན་དུ་རུང་བ་དེ་ལ༷། དཔལ་ལྡན་བླ༷་མ༷ས་གསང་རྒྱུད་ཀྱི་མན་ངག་ཟབ་མོ་ངེས༷་པའི༷་དོན་གྱི་ལུ༷ང་འདི་ལྟ་བུ་བསྟན༷་པར་བྱ་ཞི༷ང་། ལུས་བཅུད་དུ་བྱེད་པའི་སྣུམ་དང་འདྲ་བར་རྒྱུད་སྣུམ༷་པ༷་ཡི༷་ནི༷་ད༷མ་ཚི༷ག་སྟེ་རྩ་བ་དང་ཡན་ལག་གིས་བསྡུས་པ་ད༷ང་། མཉམ་ཉིད་བླང་དོར་མེད་པར་སྤྱོད་པའི་ཚུལ་གྱི་གཙང༷་སྦྲ་ཁྱད་པར་ཅན་ད༷ང་། ལྟ་སྤྱོད་ཞན་པ་རྣམས་འཇི༷གས་པ༷འི་གནས་སུ་གྱུར་པ་སྔགས་ཀྱི་བརྟུལ༷་ཞུག༷ས་བསྙེན་སྒྲུབ་ལ་སྤྲོ་བ་ཅ༷ན་དེས། དམ་ཚིག་དང་གཙང་སྦྲ་བརྟུལ་ཞུགས་དེ༷་ད༷ག་གོ༷མས་པར་བྱས་ན༷ས་ཉམས་རྙེད་པ་ན་གདོད་ཚུལ་བཞིན་སྒྲུབ་པ་ཉམ༷ས་སུ༷་བླང༷་བར་བྱའོ། །དེ་ལྟ་མིན་པར་སྔགས་ཀྱི་སྤྱོད་པ་རྨད་བྱུང་ལ་ཡིད་སྤྲོ་བ་མེད་པས་བློ༷་ཞ༷ན་ཅིང་གསང་བ་ཟབ་མོའི་དོན་མི་ཤེས་པའི་ཤེ༷ས་ར༷བ་ཆུང༷་བ༷ས་ནི། ཚུལ་འདི་འདྲ་བསྒྲུབ༷་ཀྱང༷་འགྲུབ༷་པ༷ར་མི༷་འགྱུར༷་ཏེ༷། ཟབ་དོན་ལོག་པར་སྤྱོད་པས་ཚེ་འདིར་ཕུ༷ང་བར་བྱེ༷ད་ཅིང་།
21-2-3b
ཕྱི་མར་དཔོན་སློབ་གཉི༷ས་ཀ༷་དམྱལ་བར་བསྲེ༷ག་པ༷ས་ན༷། བཤད་མ་ཐག་པ་ལྟར་མཚན་ཉིད་ལྡན་པ་དེ༷་བ༷ས་སམ། དེ་ལས་གཞ༷ན་དུ༷་གྱུར་པ་རྣམས་ལ་བསྟན༷་པ༷་ཉིད་དུ་བྱ་བ་མི༷ན་ནོ། །ཞེས་སོ། །གཉིས་པ་ལ་སྔོན་འགྲོ་དངོས་གཞི་རྗེས་གསུམ། དང་པོ་ལྟ་སྤྱོད་ཕྲིན་ལས་དམ་ཚིག་བཞིའམ། གཙོ་བོ་དང་འཁོར་དང་གནས་དང་ཡོ་བྱད་ཕུན༷་སུམ༷་ཚོ༷གས་པ༷་བཞི༷་དང་ལྡ༷ན་པར་བྱས་ན༷ས། དངོས་གྲུབ་སྒྲུབ་པའི་རྫས༷་དང༷་སྒྲུབ་པའི་གནས་ས༷་གཞི༷་བརྟག༷ས་ཅིང་ཆོ་ག་ཚུལ་བཞིན་བྱས་པ༷་དེ༷ར་སྒྲུབ་པ་ཚུལ་བཞིན་བརྩམ་པར་བྱའོ། །ཞེས་སོ། །
修持者如何修
གཉིས་པ་ལའང་སྒྲུབ་པའི་སྟ་གོན་དང་། དངོས་གཞི་གཉིས།
修持前行
དང་པོ་ལ་འགལ་རྐྱེན་མཚམས་བཅད་པ། མཐུན་རྐྱེན་དཀྱིལ་འཁོར་བཞེངས་ཤིང་དབང་བསྐུར་བ་གཉིས།
断违缘界
དང་པོ་འབྱུང༷་པོ༷འི་ཚོགས་ལ་གཏོར༷་མ༷་བཏང༷་ནས༷་ཕྱི་མཚམས་བཅད་པ་དང་། དམ་སྲི་མནན་པའི་སྒོ་ནས་བར་མཚམས་ཀྱང༷་བཅད་ལ། ཟབ་མོའི་དཀྱིལ་འཁོར་ལ་ལྟ་བར་མི་དབང་བ་ཀུན་མཚམས་བཅད་པ། གས༷ང་བ༷འི་དོ༷ན་གྱི༷་ལ༷ས་ཏེ་ནང་གི་མཚམས་བཅད་པ་རྣ༷མས་ཚུལ་བཞིན་བྱའོ༷། །
顺缘设坛城
གཉིས་པ་ལ་དཀྱིལ་འཁོར་བཞེངས་པ་དང་། དེར་དབང་བསྐུར་བ་གཉིས། དང་པོ་དཀྱིལ་
21-2-4a
འཁོར་འབྲི་བའི་སྔོན་དུ་བྱ་བ་རྣམས་ལེགས་པར་གྲུབ་པ་དེ༷་ན༷ས་བསྒྲལ་བྱ་དུར༷་ཁྲོད༷་ཀྱི་བད༷ག་པོ༷་མ་ཏྲཾ་རུ་དྲ་ད༷ག །སྒྲོལ་བྱེད་འདའ་བ་མེད་པའི་ཕྱག༷་རྒྱ༷་སྟེ་ལྟ་སྒོམ་སྤྱོད་པ་ཁྱད་པར་ཅན་གྱི་ཆེ༷་བ་དང༷་ལྡ༷ན་པར༷་བྱས་ནས་ནི༷་ཅི༷་རི༷གས་སུ༷་ནི༷་གདུལ་ཐབས་ཀྱི་ཕྲིན་ལ༷ས་རྣམ༷ས་ཚུལ་བཞིན་བྱའོ༷། །དེ་ནས་ཞི་བ་དང་ཁྲོ་བོའི་དཀྱིལ༷་འཁོ༷ར་འབྲི་བར་བྱ་སྟེ། དེ་ཡང་ནུབ་ཀྱི་ཕྱོགས་སུ་འབྲི་བའམ། ཡང་ན་དཀྱིལ༷་འཁོ༷ར་གྱི་སྒོ་ནུབ༷་ཏུ་ཕྱོག༷ས་པའི་ཚུལ་གྱིས་བཤད་མ་ཐག་པ་དེ༷་བཞི༷ན་དུ་ཅི་རིགས་སུ་ནི་དཀྱིལ་འཁོར་གྱི་ལས་བྱ་ཞིང་ཚད་དང་ལྡན་པར་བྱས་པ་དེ་ནི་དངོས་གྲུབ་བསྒྲུབ་པའི་གཞི༷་ཡིན་ནོ། །དེར་རྫས་དགོད་པ་ནི་ཁ༷མས་ཕོ༷ར་ཞེས་པ་སྐབས་འདིར་ཐོད་པ་ལ་ཞི་ཁྲོ་གང་འདོད་ཀྱི་སྙིང༷་པོ༷་རི་མོར་བྲི༷ས་པ༷་དགུ༷་དང་ཐོད་སྣོད་དུ་ཞུན་ཆེན་གྱི་མར་མེ་དགུ་སྣང༷་བའི༷་འོ༷ད་ད༷ང་ཆ༷ས་པ༷ར་དཀྱིལ་འཁོར་དུ་ལྷ་གནས་སོ་སོར་དགྲ༷མ་ལ། གཞན་ཡང་དཀྱིལ་འཁོར་གྱི་ཡོ་བྱད་དང་། དངོས་གྲུབ་ཀྱི་རྫས། མཆོད་རྫས་སྨན་རཀ་གཏོར་མ་ཉེར་སྤྱོད་སོགས་ཇི་ལྟར་འོས་པའི་རྫས༷་ཀྱིས༷་དལ་གྱི་མཐའ་མཛེ༷ས་པ༷ར་འཁོ༷ར་བར༷་བཞག༷་པར་བྱ་ཞིང་། ཏིང་འཛིན་གསལ་བ་སོགས་ཀྱི་ཆེད་དུ་ལྷའི་སྐུ་ལ་
21-2-4b
སོགས་པ་མི༷ག་གི༷་རྟེན༷་དུ་ཡ༷ང་མངོ༷ན་པ༷ར་བཞ༷ག་པར་བྱའོ། །དེ་ནས་བྱིན་གྱིས་བརླབ་པར་བྱ་བ་ལ་ཆོས་ཀུན་རང་སེམས་དང་རང་སེམས་སྐྱེ་མེད་མཐའ་བྲལ་དུ་རྟོགས་པས་མི༷་དམིག༷ས་པའི་ཆོ༷ས་ལ༷་བློ༷་བརྟ༷ན་ཅི༷ང་གདིངས་སུ་གྱུར་པའི་མཉམ་ཉིད་ཀྱི་ཏིང་ངེ་འཛིན་དེས་ཐམས་ཅད་གཉིས་སུ་མེད་པར་བྱིན་གྱིས་བརླབ་པ་དང་། ཆོས་ཉིད་ཅི་ཡང་མིན་པ་ལས་ཅིར་ཡང་སྣང་བའི་ཆོ་འཕྲུལ་མ་འགག་པར་ཤར་བའི་ཡེ༷་ཤེ༷ས་མཆོག་ཏུ་གྱུར་པ་ཅ༷ན་གྱི༷་རྣལ་འབྱོར་བས་ཏིང་ངེ་འཛིན་གྱི་མཐུ་བྱིན༷་དང་ལྷག་མཐོང་གི་སྟོབ༷ས་ཀྱི༷ས་གནས་དང་སྒྲུབ་པོ་ཡུམ་དང་སྒྲུབ་རྫས་ཐ༷མས་ཅ༷ད་བསྐྱེད་རྫོགས་རྫོགས་ཆེན་གྱི་ཚུལ༷་ཇི་ལྟ་བ་བཞི༷ན་དུ་བྱིན༷་གྱིས༷་བཪླ༷བ་པར་བྱའོ། །
坛城灌顶
གཉིས་པ་དབང་བསྐུར་བ། སློབ་མ་མཚན་ལྡན་བླ་མེད་བྱང་ཆུབ་ལ་ཡིད་ཆེས་ཀྱིས་རྟོག༷ས་པ༷འི་ངེས་པ་བརྟན་ཅིང་། ཟབ༷་དོན་མཐོང་བའི་བློ༷་ཅ༷ན་དེ༷་ད༷ག་གི༷ རང་གི་སྲོ༷ག་ལུ༷ས་མ༷ན་ཆ༷ད་ནས་དངོས་པོ་ཕལ་བ་ཡན་ཆོད་ཀྱི་གང་ཕང་བའི་རྫ༷ས་ཀྱི༷་དངོས་པོ་རྣ༷མས་ཇི་འབྱོར་ཇི་དགྱེས་ཀྱི་ཚུལ་དུ་བླ༷་མ༷་དམ་པ་ལ་ཐུགས་མཉེ༷ས་པ༷ར་བྱ༷་བའི་ཕྱིར༷་དབུལ༷་བར་བྱས་ནས། མཆོག་ཐུན་གྱི་དངོས༷་གྲུབ༷་ཐོབ་པར་འདོ༷ད་ཅིང་དེའི་ཆེད་དུ་དབང་ནོད་པ༷ར་གསོ༷ལ་བ༷་གད༷བ་པར་
21-2-5a
བྱའོ། །དེ་ནས་སློ༷བ་དཔོ༷ན་ཉིད་དཔལ་ཁྲག་འཐུང་ཆེན་པོ་ཇི༷་ལྟ་བ་བཞི༷ན་དུ་སྟན༷་དག་ལ་ཇི་བདེ༷ར་གན༷ས་པར་བྱས་ནས། བརྒྱུད་པའི་བྱིན་རླབས་ཆེན་པོ་དང་ལྡན་པའི་སྒོ་ནས་རྡོ༷་རྗེ༷འི་ཐེག་པ་ནས་ཇི་ལྟར་བསྟན་པའི་ཚུལ༷་དུ༷་དབ༷ང་ད༷ག་སྦྱིན༷་པར་བྱའོ། །དེ་ཡང་སློབ་དཔོན་གྱི་གཡོ༷ན་ཕྱོག༷ས་སུ་གན༷ས་པ་གཟུངས་མ་མཚན་ཉིད་དང་ལྡན་པ་ལ༷་འདུག་སྟངས་སོགས་ཚུལ༷་བཞི༷ན་དུ༷་བྱས་ལ། ཇི༷་ལྟར༷་འདོ༷ད་པ༷་བཞི༷ན་དུ༷་ཡུམ་ཀུན་ཏུ་བཟང་མོའམ་ཀྲོ་དྷཱི་ཤྭ་རི་མར་བློས་སྦྱར༷་བར་བྱས་པས་ལུས་སྐུར་བྱིན་གྱིས་བརླབ། ཡབ་ཡུམ་ལྷའི་རྣམ་པར་གསལ་བ་ཕན་ཚུན་མཉེས་པའི་ཐབས་སྣ་ཚོགས་ཀྱི་རྩོལ་བ་ག༷ར་མཁ༷ན་གྱི་ཚུལ༷་དང་འདྲ༷་བར་སྤྱོད་ཅིང་། སྣང་ལ་རང་བཞིན་མེད་པ་སྒྱུ༷་མའི༷་རྣམ་པ་དང་མཚུངས་པའི་ལྷ་སྐུ་ཕྱག༷་རྒྱ༷་ཆེན་པོ་དེ༷་ལ༷ས་ཡབ་ཡུམ་གྱི་སྐུའི་གནས་རྣམས་སུ་དཀྱིལ་འཁོར་གྱི་ལྷ་རྣམས་ཕན་ཚུན་མི་སྒྲིབ་ཅིང་རྣམ་པ་མ་འདྲེས་པར་འཇ༷འ་ཚོ༷ན་བཞི༷ན་དུ༷་གསལ༷་བར་བྱའོ། །དེ་ནས་ཐ་མལ་གྱི་འདོ༷ད་ཆག༷ས་མ་སྤང་རང་སར་དག་ནས་ལྷན་སྐྱེས་བདེ་བའི་ཡེ༷་ཤེ༷ས་ཆེན་པོར་གས༷ལ་བ༷འི་ཕྱིར༷། ཡབ་ཡུམ་གྱི་སྐུའི་ལྷ་རྣམས་འཛུམ་པས་བལྟ་ཞིང་དགོད་པའི་མདངས་དང་ལྡན་པ་རྣམས་
21-2-5b
ཐུགས་རྗེ་ཡེ་ཤེས་ཀྱི་འོད་ཟེར་འབ༷ར་བ༷་དང་། སྐུ་མདོག་ཕྱག་མཚན་རྒྱན་ཆ་ལུགས་སྣ༷་ཚོ༷གས་པ་ཀུན་ནས་འཁྲི༷གས་པ༷འི་འོ༷ད་དང་ལྡན་པར་བཞུགས་པ་དག །ཕན་ཚུན་རྗེས་སུ་ཆགས་པས་བལྟ་ཞིང་འོ་བྱས་པ་སོགས་ཀྱི་རྐྱེན་ལས་སྐུའི་གནས་དང་བྱང་ཆུབ་ཀྱི་སེམས་ལས་ཡེ་ཤེས་ཀྱི་འོད་ཟེར་ཁ་དོག་སྣ་ཚོགས་སུ་འཕྲོས་པས་དབྱིངས་ནས་ཞི་ཁྲོའི་ལྷ་ཚོགས་སྤྱན་དྲངས་ཏེ་ཡབ་རྣམས་ཡབ་ལ་ཐིམ་པས་རྡོ་རྗེ་རྒྱལ་པོ་དང་། ཡུམ་རྣམས་ཐི༷མ་པ༷འི་གཟུངས་མ་ནི་རྡོ་རྗེ་རྒྱལ༷་མོ་ཀྲོ་དྷཱི་ཤྭ་རི་མའམ་ཀུན་ཏུ་བཟང་མོ༷ར་བྱི༷ན་གྱིས༷་བརླབ༷་པར་བྱས་ལ། ཡབ༷་ཡུམ༷་གཉིས་ཀྱི་མཁའ་གསང་བྱིན་གྱིས་བརླབས་ནས་བདེ་བའི་བརྡས་བསྐུལ་ཏེ་གཉི༷ས་སུ་མེ༷ད་པར་སྦྱོར༷་བ༷་ཡིས༷་བྱང་ཆུབ་ཀྱི་སེམས་ཡུམ་གྱི་མཁར་དབབ་ཅིང་དམིགས་པའི་སྤྲོ་བསྡུ་ཚུལ་བཞིན་བྱའོ། །དེ་ལྟ་བུའི་ཡབ་ཡུམ་གཉིས་སུ་མེད་པའི་བྱ༷ང་ཆུབ༷་ཀྱི་སེ༷མས་དེ༷་བླང༷་བར་བྱས་ན༷ས་ནི༷། བྱང་སེམས་དེ༷་ད༷ག་དེ་བཞིན་གཤེགས་པ་ཀུན་གྱི་ཡེ་ཤེས་དང་དབྱེར་མེད་པས་ན། དངོ༷ས་གྲུབ༷་ཐམས་ཅད་ཀྱི་ནང་ན་མཆོག་གམ་ཆེ༷ན་པོ༷་ཉིད་དུ་གྱུར་པས༷་ན། དེ་ལ་བརྟེན་ནས་དབང་དང་བྱིན་རླབས་ཀྱི་རིམ་པ་ཇི༷་ལྟར༷་འདོ༷ད་པ༷ར་དཔོན་སློབ་གཉིས་ཀས་ནན༷་ཏན༷་
21-2-6a
དུ་བྱའོ༷། །དེ་ནས་ལུས་དང་སྤྱོད་ལམ་ཡི༷ད་དུ་འོ༷ང་ཞིང་མཚན་ཉིད་དང་ལྡན་པས་བཀྲ༷་ཤི༷ས་པ་སྒྲུབ་པ་པོའི་རི༷གས་ཀྱི༷་ཡུམ༷་དེ་གོང་ལྟར་བྱིན་གྱིས་བརླབས་ནས་ཤེར་དབང་བསྐུལ་བའི་སླད་དུ་སློ༷བ་བུ༷་ལ༷་གཏད༷་ན༷ས་སྦྱོར་ཐབས་དང་རླུང་སྦྱོར་གྱིས་བྱང་ཆུབ་ཀྱི་དབབ་ཟློག་དགྲམ་པའི་ཚུལ་གྱིས་རང་བྱུང་ལྷན་སྐྱེས་བདེ་བ་ངོས་ཟིན་པར་བྱའོ། །དེ་ནས་རིམ་པ་གཉིས་ཀྱིས་བསྡུས་པའི་མ༷ན་ངག༷་གི་གནད་ཟབ་མོ་རྣམས་སློབ་བུ་ལ་རྫོགས་པར་གདམས་པའི་སྒོ་ནས་བསྐྱེད་རྫོགས་ཀྱི་དོན་ཀུན་དང་། ཁྱད་པར་སེམས་ཉིད་རང་བྱུང་གི་ཡེ་ཤེས་ཇི་བཞིན་ཉམས་སུ་མྱོང་བ་ནི་མཚོན་བྱ་དོན་གྱི་ལྷན་སྐྱེས་ངོ་འཕྲོད་པ་སྟེ་དབང་བཞི་པ་ཐོབ་པ་ཡིན་ནོ། །དེ་ལྟར་སྐྱེས་བུའི་ལུས་རྒྱན་གྱིས་མཛེས་པ་ལྟར་དབ༷ང་ཐོ༷བ་པའི་ཡོན་ཏན་གྱི་རྒྱུད་མཛེ༷ས་པ༷་ཅན་གྱི་སྒྲུབ་པོ་དེ༷་ད༷ག་གི༷ས། སྒོ་གསུམ་གྱི་སྤྱོད་ལམ་དུལ༷་བ༷འི་རྣམ་པས་ཁྲེལ་དང་བག་ཡོད་ཀྱི་སེ༷མས་སུ༷་ཉེ་བར་བཞ༷ག་ནས༷་ནི༷། དམ་ཚིག་སྤྱི་དང་སྒྲུབ་པའི་དུས་སུ་གཉིད་ཆང་སྙོམས་ལས་ཀྱི་དབང་དུ་མ་སོང་བར་རྐྱེན་ཅི་བྱུང་ཡང་བསྲན་བཙུགས་ཏེ་བླ་མ་ལ་གུས་པ་དང་ཡི་དམ་དང་སྔགས་ཀྱི་ཉམས་ལེན་ལ་འབད་ཅིང་། དམ་རྫས་ཐམས་ཅད་ལ་
21-2-6b
བློ་ཐ་མལ་གྱི་ཁུ་འཁྲིག་སྤང་ཞིང་སྦྱོར་སྒྲོལ་གྱི་བརྟུལ་ཞུགས་ཟབ་མོ་དང་དུ་ལེན་པའི་ད༷མ་ཚི༷ག་ཆེ༷ན་པོས༷་བདེ༷་བར༷་གན༷ས་པའི་སྒོ་ནས་གྲུབ་འབྲས་མངོན་དུ་བྱའོ། །
修持正行
གཉིས་པ་སྒྲུབ་པའི་དངོས་གཞི་ལ། ཞི་བར་སྒྲུབ་པ་དང་། ཁྲོ་བོར་སྒྲུབ་པ་གཉིས།
修寂静尊
དང་པོ་ལ་ཏིང་འཛིན་གྱི་དཀྱིལ་འཁོར་བསྒོམ་པ། དེ་ལ་མཆོད་ཅིང་བསྙེན་པར་བྱ་བ་གཉིས།
观三摩地
དང་པོ་སང༷ས་རྒྱས༷་ཉིད་དུ་མཐོང་བའི་ཆོས་ཚེ༷་འདི༷ར་བསྒྲུབ༷་པ༷འི་ཕྱིར༷། སྐུ༷་གསུ༷མ་གྱི་ས༷་ལ༷་གོ༷མས་པར༷་བྱ་བ༷འི་ཕྱིར་ཏིང་འཛིན་གསུམ་བསྒོམ་པར་བྱ་སྟེ། ད༷ང་པོ༷ར་ཆོས་ཐམས་ཅད་ཆོ༷ས་ཀྱི༷་དབྱིང༷ས་བརྗོད་དུ་མེད་པར་གནས་པ་ཉི༷ད་ལ༷། དེ་དང་རྗེས་སུ་མཐུན་པར་ཡུལ་ཅན་ཡེ་ཤེས་ཀྱིས་ཀྱང་དམི༷གས་སུ༷་མེ༷ད་པའི༷་ཚུལ་གྱིས་སམ། དོ༷ན་གྱི༷ས་དེ་བཞིན་ཉིད་བསྒོ༷མ་པའི་ཏིང་ངེ་འཛིན་ལ་གནས་པར་བྱའོ། །དེའི་ཆོས་སུ་ཆོས་ཐམས་ཅད་ཆོ༷ས་ཀྱི༷་དབྱིང༷ས་ཀྱི༷་རང་བཞིན་དུ་རྟོགས་པའི་ཡེ༷་ཤེ༷ས་དེ་ཉིད་ངང་གིས་སྙིང་རྗེ་ཆེན་པོར་ཤར་བ་ཉིད་ཀྱིས༷། དེ་ལྟར་མ་རྟོགས་པའི་སེམས་ཅན་ཐ༷མས་ཅ༷ད་ཀུ༷ན་ལ༷་ཁྱབ༷་པར༷་སྣང་བའི་ཏིང་ངེ་འཛིན་བསྒོམ་པར་བྱའོ༷། །དེ་ནས་སྐྱེ་བ་མེ༷ད་པ༷འི་རྒྱུའ༷མ་གཞིའམ་ངང་ལ༷ས་མངོ༷ན་པར་གས༷ལ་བའི༷་སེམ༷ས་ཀྱི༷་རང༷་བཞི༷ན་ནི་ཡི་གེ་ཨ་
21-2-7a
དཀར་པོའི་རྣམ་པ་ཅན་གྱི་རྒྱུ་ཏིང་གི་ཡེ༷་ཤེ༷ས་སུ་གས༷ལ་བར་བྱའོ། །དེ་ལྟར་ཏིང་འཛིན་རྣམ་པ་གསུམ་གྱི་ཆོ་འཕྲུལ་ལས་བདག་ཉིད་རྡོ་རྗེ་སེམས་དཔའི་སྐུར་གསལ་བའི་ཐུགས་ཀ་ནས་ཨེ་སོགས་སྤྲོས་པས་སྙིགས་མའི་འབྱུང་ལྔ་སྦྱངས་ཏེ་དྭངས་མའི་འབྱུང་བ་རིམ་བརྩེགས་རི་རབ་དང་བཅས་པ་ཡེ་ཤེས་ཀྱི་མེ་འོད་འབར་བས་ཀུན་ཏུ་ཁྱབ་པར་བསྒོམས་ལ། བདག་ཉིད་ཀྱི་ཐུགས་ཀའམ་སྨིན་མཚམས་སུ་སྟོང་པ་ཉིད་དང་ཚེ་དང་མཚོན་ཆ་དང་གཙུག་ཏོར་འཁོར་བསྒྱུར་དང་། གཞལ་ཡས་ཁང་སོགས་ཀྱི་ས་བོན་དུ་གྱུར་བས་ན་ཅིར༷་ཡ༷ང་འགྱུར༷་བའི༷་ཡིག༷་འབྲུ༷་བྷྲཱུྃ་སྨུག་ནག་གཅིག་བས༷མ་ལ། བྷྲཱུྃ་ལས་འོ༷ད་ཟེར༷་གྱི༷་ཚུལ་དུ༷་བྷྲཱུྃ་ཕྲ་མོ་གྲངས་མེད་སྤྲོས༷་ན༷ས་ཀྱང༷་སྣོད་བཅུད་ཀུན་ཡེ་ཤེས་ཀྱི་འོད་ཟེར་གསལ་བར་བྱས་ཏེ་སེམས་ཅན་གྱི་ཁམས་མ༷་ལུས༷་པར༷་སྙིང༷་རྗེས༷་མཐའ་དབུས་མེད་པར་ཁྱབ༷་པར་བྱ༷ས་ཏེ༷། དེའི་རྟགས་སུ་འོད་ཟེར་སྨུག་ནག་ཏུ་ཆི་ལེར་གསལ་བ་དེ་མ་མོ་མཁའ་འགྲོ་ལ་ཕོག་པས་རིགས་ཀྱི་གཙོ་བོར་མཐོང་ནས་རེ༷་ཞིང༷་། བྱང་ཆུབ་སེམས་དཔའ་དང་སངས་རྒྱས་རྣམས་ལ་ཕོག་པས་མཆོད་པས་མཉེས་ཤིང་རིམ་པ་ལྟར་སྤུན་གྲོགས་དང་སྲས་ཀྱི་དམ་པར་
21-2-7b
གཟིགས་ཤིང་ད༷མ་པ༷འི་ཚུལ༷་དུ༷་དགོ༷ངས། སླར་འོ༷ད་ཟེ༷ར་དེ༷་ད༷ག་འ༷དུ༷ས་ན༷ས་ཀྱ༷ང་བྷྲཱུྃ་ཉིད་འོད་དུ་ཞུ་བ་ལས་ཡིད་བཞིན་གྱི་ནོར་བུ་ཚོན་གང་བ་ཞིག་ཏུ་གྱུར། དེ་ལས་ཀྱང་སྤྲོ་བསྡུ་སྔར་བཞིན་བྱས་པས་རི༷ན་ཆེན༷་སྣ་ལྔ་ལས་གྲུབ་པ། མཆོག་ཏུ་མཛེ༷ས་པའི༷་གཞ༷ལ་ཡ༷ས་ཁང་ཚད་དང་མཚན་ཉིད་ལྡན་པ་རྒྱན་ཐམས་ཅད་ཡོངས་སུ་རྫོགས་པའི་གནས་སུ༷་གཙོ་བོ་རྡོ༷་རྗེ༷་སེམ༷ས་དཔ༷འ་ལ༷་སོག༷ས་པ༷་འགྲོ་བ་ཀུན་ཡོངས་སུ་སྐྱོབས་པའི་ཐུག༷ས་རྗེ༷་ཆེ༷་ད༷ང་ལྡ༷ན་པ༷་ཡི༷། སྐུ་གསུང་ཐུགས་ཡོན་ཏན་ཕྲིན་ལས་ཀྱི་དཀྱིལ༷་འཁོ༷ར་ཚོམ་བུ་ལྔ༷་ལ༷་སོ༷གས་པ༷འི་སྒྱུ་འཕྲུལ་དྲ་བའི་འཁོ༷ར་རམ་རོལ་པ་འཕྲོ་བའི་ལྷ་རྣམས་དཔལ་རྡོ་རྗེ་སེམས་དཔའ་སྐུ་ལྔ་དང་ཡེ་ཤེས་ལྔ་ཡོངས་སུ་གྲུབ༷་པ༷ས་རྒྱུད་དུ་བསྟན༷་པ༷འི་ལུང་ཇི་ལྟ་བ་བཞི༷ན་དུ༷། སྐུ༷་མདོ༷ག་སོ༷་སོ༷ར་གས༷ལ་བ༷་ཡི། སྐུ་ཕྱག་ཆེན་སོགས་ཕྱག༷་རྒྱ༷་བཞི་དང་། དར་དང་རིན་པོ་ཆེ་སོགས་རྒྱན༷་ད༷ང་། སྐྱིལ་ཀྲུང་སོགས་བཞུགས་ཚུལ་དང་ཞི་བའི་ཚུལ་དགུ་སོགས་སྐུ་ཡི་ཉམས་ཀྱི་ཆ༷་ལུག༷ས་ད༷ག་ཀྱང་མ་ནོར་བར་ཤེས་པར་བྱས་ལ། རྣལ་འབྱོར་པའི་བློའི་རྩལ་དང་སྦྱར་ཏེ་མ་ཧཱ་ཡོ་ག་ལྟར་རིམ་གྱིས་བསྐྱེ༷ད་པའམ། ཨ་ནུ་ཡོ་ག་ལྟར་དབྱིངས་ཡེ་
21-2-8a
དབྱེར་མེད་ཀྱི་ངང་ནས་སྙིང་པོ་བརྗོད་པ་ཙམ་གྱིས་ལྷར་རྫོག༷ས་པའམ། རྫོགས་པ་ཆེན་པོ་ལྟར་ཡེ་ནས་བདེན་པ་དབྱེར་མེད་གྲུབ་བསལ་བྲལ་བའི་རང་བཞིན་གྲུ༷བ་པ༷འི་ལྷའི༷་དཀྱིལ་འཁོར་ད༷ག་ཏུ་རྟོགས་པའི་ཚུལ་གྱིས་བསྒོམ༷་པར་བྱའོ། །
与其供养并礼敬
གཉིས་པ་དེ་ལྟར་དམ་ཚིག་གི་དཀྱིལ་འཁོར་བསྐྱེད་པ་ལ་ཡེ་ཤེས་ཀྱི་འཁོར་ལོ་སྤྱན་དྲང་ཞིང་བསྟིམས་ནས། ཕྱི་ནང་གསང་བའི་ཚུལ་གྱིས་ཞི༷་བའི༷་མཆོ༷ད་པས༷་མཉེས༷་པ༷་དག༷་ཏུ༷་བྱ་བ་ནི། དཔལ་ཆེན་པོར་དངོས་གྲུབ་ལ་བསྙེན་པར་བྱེད་པ་སྔགས་ཀྱི་བཟླས་བརྗོད་དམ་བསྙེན༷་པ༷འི་དོ༷ན་དུ༷་ཚུལ་དེ༷་ད༷ག་བྱ༷་བ་ཡིན་ནོ། །དེས་ན་ཛབ་ཁང་དབྱེ་ཞིང་བདག་མདུན་ལས་འོད་ཟེར་སྤྲོ་བསྡུའི་དམིགས་པ་བཅས་ཞི་བའི་སྙིང་པོ་བཟླ་ཞིང་ཐུན་མཐར་མཆོད་བསྟོད་དངོས་གྲུབ་བླང་བ་རྣམས་བྱའོ། །
修愤怒尊
གཉིས་པ་ཁྲོ་བོར་སྒྲུབ་པ་ལ། སྒྲུབ་པ་དངོས་དང་། སྒྲུབ་པ་ཆེན་པོས་དངོས་གྲུབ་བླང་བ་གཉིས།
正修
དང་པོ་ལ་ཞི་བ་ཁྲོ་བོར་གནས་བསྒྱུར་བ། སྤྱན་དྲང་ཞིང་མཆོད་པ་འབུལ་བ།བསྙེན་པ་དབུལ་བ། ཐུགས་དམ་བསྐུལ་ཞིང་མཉེས་པར་བྱ་བ་བཞི།
寂静转愤怒相
དང་པོ། དེ་ལྟར་ཞི་བར་བསྙེན་པ་སྔོན་དུ་སོང་ནས་སྐུ་གསུང་ཐུགས་ཀྱི་དངོ༷ས་གྲུབ༷་ད༷མ་པ་གང་ཞིག །རྣལ་
21-2-8b
འབྱོར་པའི་ཤེ༷ས་རབ་ཀྱི་རྩལ་གྱིས་མྱུར་དུ་བླང༷་བའི༷་ཕྱིར༷་ཁྲོ་བོའི་དཀྱིལ་འཁོར་སྒྲུབ་པ་བརྩམ་པར་བྱ་སྟེ། སྒྲུབ་པ་པོ་རྣམས་ལྷ་རྣམས་དང་རྗེས་སུ་མཐུན་པའི་ཕྱིར་ཐེག་པ་འོག་མ་ལས་དོན་རྟགས་གཉིས་ཀའི་སྒོ་ནས་ལྷག༷་པ༷འི་རྟག༷ས་གླང་པོའི་ཀོ་རློན་སོགས་དུར་ཁྲོད་ཀྱི་རྒྱན་རྣམ་པ་བརྒྱད་ཀྱིས༷་ཀུན༷་ནས་མཚ༷ན་པར་བྱས་ན༷ས་སྒྲུབ་པ་ལ་འཇུག་པར་བྱའོ། །དེ་ཡང་རང་ཉིད་མི་བསྐྱོད་པའི་ཡེ་ཤེས་ཀྱི་སྤྱན་གྱིས་སྲིད་པ་གསུམ་ལ་གཟིགས་པས་ཞི་བས་མི་འདུལ་བ་རྣམས་ཁྲོ་བོས་འདུལ་བར་གཟིགས་ནས་ཡེ་ཤེས་ཀྱི་ལྟ་བ་དྲག་པོས་བསྐྱོད་དེ།ཆོས་ཉིད་ཅི་ཡང་མ་ཡིན་པ་ལས་ཅིར་ཡང་སྣང་བའི་ཕྱིར། སྔ༷་མ༷་ཞི་བའི་སྐབས་ཀྱི་འབྱུང་ལྔ་རི་རབ་གཞལ་ཡས་ཁང་གདན་དང་བཅས་པ་ལ༷ས་ནི༷་གན༷ས་བསྒྱུར༷་ཏེ༷། དྲག་པོའི་འབྱུང་བ་རིམ་བརྩེགས་རི་རབ་ཀྱི་སྟེང་དུ་དུར༷་ཁྲོ༷ད་ཀྱི་གཞལ་ཡས་ཁང་འཇིགས་སུ་རུང་བའི་གནས་སམ་ས༷་རུ་རབ་ཏུ༷་བརྟག༷་པར༷་བྱའོ༷། །དེ་ནས་མི་བསྐྱོད་པ་ཡབ་ཡུམ་ནི་ཁྲོ་བོར་གནས་གྱུར་ཏེ་ཡབ་ཡེ༷་ཤེས༷་ལྔ་འདུས་པའི་བདག་ཉིད་བཛྲ་ཧེ་རུ་ཀ་དང་། དབྱིངས་ཀྱི་ཡུམ་ད༷མ་ཚི༷ག་ཆེ༷ན་པོ༷་ཀྲོ་དྷཱི་ཤྭ་རི་མར་གསལ་བ་ཡི༷ས་གཉིས་སུ་མེད་པའི་སྦྱོར་བ་བརྩམ་པར་
21-2-9a
བྱ་སྟེ། ཡབ་ཡུམ་གྱི་མཁའ་དབྱིངས་པ༷དྨོ༷་དང་རི༷ན་ཆེན༷་ལ་ཨཾ་དང་ཨོ་ལྡ༷ན་པར་བྱ༷ས་ན༷ས། འདོད་ཡོན་མ་སྤངས་གྲོགས་སུ་ཁྱེར་བས་ཉན་ཐོས་སོགས་ཀྱི་ལམ་ལ་ལྟོས་ནས་བདེ༷་ལ། ཉེས་པས་མི་གོས་པས་འཇིག་རྟེན་ལས་མཆོ༷ག་ཏུ་གྱུར་པའི་ལམ་མངོན་དུ་བྱ་བའི་ཕྱིར། སྒྱུ༷་མ༷འི་ཏིང་འཛིན་ལ་གནས་ནས་སྦྱོར་བའི་བརྡ༷ས་བསྐུལ་བས་བདེ་བ་མཚོ༷ན་པའམ་གསལ་བར་བྱས་ཏེ༷། ཆོས་ཀྱི་དབྱིང༷ས་ཀྱི༷་རང་བཞིན་བདེ༷་བ་ཆེན༷་པོ་བྱང་ཆུབ་ཀྱི་སེམས་ལུས་ཀྱི་རྩ་གནས་ནས་གཡོ་ཞིང་འབྱུང༷་བ༷་དེ༷་ཡུམ་མཁར་ཕབ་པ། ར༷ང་རི༷ག་ཡེ༷་ཤེ༷ས་ཀྱི་ངོ་བོ་ལྷག་པ་བྱང་ཆུབ་ཀྱི་སེམས་དེ༷་ལ༷ས་འོ༷ད་ཀྱི་འཕྲོ་འདུ་འབར་ཞིང་། བདེ་བའི་རང་བཞིན་ཅན་རང་འོད་ཇི༷་བཞི༷ན་པ་མ་ཉམས་པའི་བྱང་ཆུབ་སེམས་དེ་ཆོས་ཉིད་ཡུམ་གྱི་མཁ༷འ་ལ༷་གས༷ལ་ཞིང་དག་ལ་འབར་བ༷་དེ་དག༷་ནི། དྭངས་པའི་མཁའ་ལ་སྒྲིབ་པའི་དྲི༷་མ་མེ༷ད་པའི་ཉི༷་མའི༷་འོ༷ད་བ༷ས་ཀྱང་འཚེ༷ར་བའི་རྣམ་པར་གནས་ལ་དེའི་འོད་ཟེར་གྱི་རྩེ་ལས་མཆོད་པའི་སྤྲིན་རབ་འབྱམས་ཀྱིས་རྒྱལ་བ་མཆོད་ཅིང་བྱིན་རླབས་བསྡུས། ཡང་བྱང༷་ཆུབ༷་ཀྱི་སེ༷མས་དཀར་ལ་འཚེར་བ་དེ་ནི༷་དུས་ཀུན༷་ཏུ༷་གཟུང་འཛིན་གྱི་དྲི་མ་རྣམ་པར་ད༷ག་པ་སྟེ། ཇི་
21-2-9b
ལྟར་ན་ཁ༷མས་གསུ༷མ་འདིའི་སྣོད་བཅུད་འོད་ཀྱིས་སྦྱངས་ནས་དག་པའི་རྟེན་བརྟེན་པར་བྱས། དེ་ལས་ཀྱང་ར༷བ་ཏུ༷་འད༷ས་ན༷ས་ཀྱང༷་ཕྱོགས་བཅུའི་འཇིག་རྟེན་ནམ་མཁའི་མཐས་ཀླས་པ། མ༷་ལུ༷ས་པ་བྱང་ཆུབ་སེམས་ཀྱི་རོལ་བའི་སྙིང༷་རྗེ༷ས་རབ་ཏུ་ཁྱབ༷་པར་བྱ༷ས་ཏེ༷། ཕན་གདགས་པར་འདོ༷ད་པ༷ར་བྱ༷་བ༷་སེམས་ཅན་དེ་དག་ལ་གནས་སྐབས་དང་གཏན་གྱི་བདེ་བས་རེ་བ་བསྐང་སྟེ་ར༷བ་ཏུ༷་མཉེས༷་པར་བྱས། སླར་ཡང་བྱང་ཆུབ་ཀྱི་སེམས་ལས་ཡེ་ཤེས་ཀྱི་མེ་འོད་བསྐ༷ལ་པ༷འི་མེ༷་དཔུང༷་འཁྲི༷གས་པ༷་བཞི༷ན་དུ་འབར་བའི་ཁྲོ༷་བོ༷འི་སྤྲུལ༷་པ༷་མང་པོས་འཇིག་རྟེན་གྱི་ཁམས་བཀང་བས་དྲེ༷གས་པ༷་ཅན་ཀུན་བསྒྲལ༷་ཞིང་འཁོར་རྣམས་དཔའ་བཀོང་སྟེ་བྲན་དུ་བྱས་པར་བསམ་ལ། སླར་འོ༷ད་ཟེར་ཁྲོ་ཚོགས་དང་བཅས་པ་ཡུམ་མཁར་འདུས༷་ནས་ཐོ༷ག་མ༷འི་སྤྲོ་གཞི་བྱང་ཆུབ་སེམས་ཀྱི་གོང་བུའི་གཟུག༷ས་ལ༷་གཟུང༷་ཅིང་དབྱེར་མེད་པ་ལས་ས་བོན་གྱི་ཡིག་འབྲུའི་ཚོགས་སུ་གྱུར་པ་ཕྱིར་སྤྲོས་ཏེ་འཁོར་གྱི་ལྷ་རྣམས་ལ་ཐིམ་པ་ལས་སོ་སོ་གནས་གྱུར་ནས་ཁྲོ་བོ་འབ༷ར་བའི༷་འཁོ༷ར་གྱི་ཚོ༷གས་ཀཽ་རི་བརྒྱད་ལ་སོགས་པར་རྣ༷མ་པ༷ར་བས༷མ་པར་བྱའོ། །དེ་དག་གི་སྐུ་མདོག་ཕྱག་མཚན་རྒྱན་ཆ་ལུགས་ལ་སོགས་པ་དག་ཀྱང་
21-2-10a
སྔར་གྲུབ་པས་བསྟན་པའི་ལུང་བཞིན་དུ་ཞེས་སོགས་ཀྱི་དོན་བཞིན་རྒྱུད་དང་མན་ངག་གི་དགོངས་པ་བཞིན་དུ་རིམ་གྱིས་སམ་ཅིག་ཆར་གསལ་གདབ་པར་བྱའོ། །
迎请并供养
གཉིས་པ་དབྱིངས་ནས་རང་བཞིན་ལྷུན་གྱིས་གྲུབ་པའི་ཡེ༷་ཤེ༷ས་ཀྱི་དཀྱིལ༷་འཁོ༷ར་སྤྱན༷་དྲ༷ངས་ཏེ༷། དམ་ཚིག་པ་ལ་བསྟིམ་ཞིང་དབྱེར་མེད་དུ་བཞུག༷ས་པར་བསམ་པ་ད༷ང་། སླར་ཡང་དངོས་གྲུབ་མ་ཐོབ་ཀྱི་བར་དུ་བརྟན༷་པར་བཞུགས་སུ་གསོལ་བ་ད༷ང་། མཉམ་ཉིད་རོལ་པ་ཆེན་པོའི་ཕྲིན་ལས་ལྷུན་གྱིས་གྲུབ་པ་ལས་མི༷་གཡོ༷་བས་ན་བར་དུ་གཅོད་པ་ཀུན་ཞལ་དུ་བསྟབ་པ་ད༷ང་། སྔོན་གྱི་ཐུགས་དམ་བཞིན་དུ་དངོས་གྲུབ་སྩོལ་བའི་ད༷མ་ཚི༷ག་བསྐུལ་བ་དང་། དབང་ཕྱུག་མ་ལ་སོགས་པ་གདུག་པ་ཅན་གྱི་འཁོར་དབང་དུ་བསྡུས་ཏེ་ཟི༷ལ་གྱིས་གནོ༷ན་པར་བྱེད་པ་དང་། གདུལ་བྱ་གཉེན་པོ་དང་རྟོགས་པ་དོན་གྱི་ཕྱག༷་བྱེ༷ད་པ་ད༷ང་། རྡོ་རྗེའི་གར་ལ་སོགས་པ་བདེ་སྟོང་གི་མཆོ༷ད་པ་འབུལ་བ་དང་། མཆོད་པ་དེ་དག་ཆུད་མི་ཟ་བར་ཡང་ནས་ཡང་དུ་བསྟབ༷ས་པ༷་དང༷་། སླར་ཡང་བཟ༷འ་བ༷་དང་བཏུང་བ་ད༷ག་དབྱིངས་སུ་རོལ་ཞིང་སྟོབས་པས་དགྱེས་རྒུར་གྱུར་པ་རྣམས་ནི། སྒྲུབ་ཐབས་ཀྱི་ཟབ་དོན་རྣམས་ཀྱི་ཚུ༷ལ་
21-2-10b
རི༷ག་ཅིང་སྒྲུབ་པ་ལ་གོ༷མས་པ༷འི་དབང་གིས་ཕྲིན་ལས་ལ་ཐོགས་པ་མེད་པར་གོམས་པ་ཀློང་དུ་གྱུར་པའི་བློ༷་དང་ལྡན་པ་ད༷ག་གི༷ས་ཆོ་གའི་རིམ་པ་རྒྱས་བསྡུས་སོགས་ཅི༷་རི༷གས་སུ༷་ནི༷་བློས་བརྟ༷ག་པ༷ར་བྱ༷འོ། །
礼敬
གསུམ་པ། དོན་དང་ལས་ཀྱི་བསྙེན་པ་ལ་འཇུག་པར་འདོད་པས། བསྙེ༷ན་ཅིང་སྒྲུབ་པ༷ར་གན༷ང་བའི༷་དབ༷ང་གོང༷་དུ་ཇི་སྙེད་བསྟན་པ་བཞིན་ཐོ༷བ་པར་བྱས་ན༷ས་མན་ངག་གང་བསྟན་ན་ཡིད་ཀྱིས་བསྒོམ༷་པར་བྱ་བ་དང་ངག་གི་དབྱང༷ས་སུ་བཟླས་པར་བྱ་བ་ནི་དཔལ་ཆེན་པོའི་ཡེ་ཤེས་སྔགས་ཀྱི་ཡི༷་གེ༷་རུ་ལུ་འབྲུ༷་བརྒྱ༷ད་ཀྱི་རྣམ་པར་ཤར་བ་ཚུལ་བཞིན་བ༷སྟན་པར་བྱས་ལ། ཇི་སྐད་བསྟན་པ་ལྟར་བསྐྱེད་རྫོགས་ཀྱི་རིམ་པས་བསྒོམ་པ་དང་། སྔགས་ཀྱི་ཡི་གེ་སྒྲ་སྒྲོགས་པའི་དབྱངས་ལ་སོགས་པ་དྲུག་གིས་བཟླས་པ་དང་། རུ་ལུ་སྤྱི་དང་བྱེ་བྲག་ཏུ་ཤེས་པར་བྱ་བའི་དོན་བཞིན་དགོངས་པ་གནད་དུ་བསྐྱལ་བའི་སྒོ་ནས་བསྒོ༷མ་པའི་རྒྱུ༷ད་གས༷ལ་བར༷་ཅི༷་ནུས༷་སུ་བྱ༷་ཞིང་། གལྤོ་དང་འཇིག་རྟེན་འདས་མདོ་ལ་སོགས་པ་ལས་བསྙེན༷་པ༷འི་ལུ༷ང་ཇི་ལྟར་བསྟན་པ་བཞི༷ན་དུ་བརྩོ༷ན་པ༷ར་བྱེད་པ་ལ་འབ༷ད་པར་བྱ་སྟེ། བསྙེན་སྒྲུབ་ཡན་ལག་བཞིའི་རིམ་པས་དུས་གྲངས་མཚན་མའི་བསྙེན་པ་རྫོགས་པར་བྱའོ། །
祈加持及奉承
བཞི་པ་ལ་སྤྱི་བྱེ་བྲག་
21-2-11a
གཉིས་ལས།
总义
དང་པོ། དེ་ལྟར་བསྙེན་པ་བྱས་པའི་ཐུན་གྱི་རྗེས་རྣམས་སུ་རྡོ་རྗེ་ཐེག་པའི་ད༷མ་ཚི༷ག་དངོས་གྲུབ་འགྲུབ་པའི་ཐབས་མཆོ༷ག་གི༷་རང་བཞིན་ཅན། སྦྱོར་བའི་བྱང་སེམས་དང་བསྒྲལ་བའི་རཀྟ་སོགས་བདུད་རྩི་ལྔ་དང་ཛ་གད་དང་ཤ་ཆེན་ལ་སོགས་བནྡྷའི་ནང་དུ་བསྲེས་པའི་མཆོ༷ད་པ༷་ད༷ག་དབུལ་ཞིང་། ནམ་གུང་ལ་རོལ་མོའི་སྒྲ་དང་བཅས་དཀྱིལ་འཁོར་གྱི་ལྷ་རྣམས་ཐུགས་དམ་བསྐུལ༷་བའི་དོན་དང་ལྡན་པའི་ཚི༷ག་དབྱང༷ས་སྙན་པོའི་འགྱུར་བ་ཉིད་ཀྱིས༷། བསྒྲུབ༷་བྱའི་ལྷ་དེ༷་ད༷ག་མཉེ༷ས་པར་བྱ་ཞིང་། གཙོ་བོ་ནས་བརྩམ་སྟེ་འཁོ༷ར་མཁའ་འགྲོ་གིང་དང་ལངྐ་འབར་མ་དང་བཅས་པ་དང་བཅ༷ས་པའི་མཆོ༷ད་པ༷་རྫོ༷གས་པར་བྱས་ན༷ས་ནི༷་ཐུན་བསྡུའོ། །
个别
གཉིས་པ་སྦྱོར་སྒྲོལ་གྱི་མཆོད་པ་བྱེ་བྲག་ཏུ་བཤད་པ་ལ་གཞུང་གི་ཚིག་གཅིག་སྦྱོར་སྒྲོལ་གྱི་ལུང་སོ་སོར་སྦྱར་དགོས་པའི་དང་པོ་བདག་དོན་ལྷུན་གྲུབ་སྦྱོར་བའི་ལུང་ལྟར་བཤད་ན། དོན་དམ་དམི༷གས་མེ༷ད་ཀྱི་དབྱིངས་ལ་གོམས་པའི་ཡེ་ཤེས་ཀྱི་སྟོབ༷ས་ཀྱི༷་གདི༷ང་ཡོད་པ་ཅ༷ན་གྱི༷་རང་ཉིད་དཔལ་ཆེན་པོའི་སྐུ༷་མཆོ༷ག་འབ༷ར་བ༷འི་ཚུལ༷་དུ༷་བས༷མ་ལ། དངོས་གྲུབ་སྒྲུབ༷་པའི་རྫ༷ས་གསང་བའི་དེ༷་ད༷ག་བརྟག་ཅིང་ཀྲོ་དྷཱི་ཤྭ་རི་མར་བྱིན༷་གྱིས༷་བཪླ༷བས་
21-2-11b
པར་བྱ་སྟེ། གཟུངས་མའི་སྒོ་གསུམ་པོའི་ཁ༷མས་གསུམ༷་ལ་ཁྲ༷ག་སྟེ་ཆགས་པར་བྱ་བའི་རང་བཞིན་ཏུ༷་དམི༷གས་པར་བྱས་ན༷ས་ནི༷། ཕྱི་དུར་ཁྲོད་བརྒྱད་ནང་ལུས་གནས་བརྒྱད་གསང་བ་ཚོགས་བརྒྱད་དེ་ཕྱི་ནང་གསང་བའི་དུར༷་ཁྲོ༷ད་ཀུ༷ན་ཏུ༷་མཁའ་འགྲོ་ཀོ་རི་བརྒྱད་ཀྱི་རྣམ་པ་གསལ་བཏབ་ལ་ཡེ་ཤེས་སྒྱུ་འཕྲུལ་དྲ་བས་ཀུན་ནས་ཁྱབ༷་པ༷ར་བས༷མ་པར་བྱ་ཞིང་། ཡུམ་གྱི་མཁའ་ཡི་དངོ༷ས་པོ་ནི༷་པདྨ་ཨ༷་ཡིག་གིས་མཚན་པ་རུ༷་བྱིན༷་གྱིས་བཪླ༷བས་ན༷ས་ཡབ་ཀྱི་གསང་བ་ཧཱུྃ་དང་བཅས་པའི་རི༷ན་ཆེ༷ན་གྱི་རྡོ་རྗེ་རྩེ ལྔར་བསྒོམ་པ་ཉིད་ཏིང་ངེ་འཛིན་གྱི་སྤྱོད་ཡུལ་དུ་གས༷ལ་བ༷ར་ཤ༷ར་བ༷་ད༷ང་། ཕན་ཚུན་མཉམ་པར་སྦྱོར་བས་བྱང༷་ཆུ༷བ་ཀྱི་སེ༷མས་སྤྱི་བོ་ལ་སོགས་པའི་གནས་ནས་གཡོ་ཞིང་བདེ་བའི་རང་སྒྲ་དང་བཅས་པ་ཉིད་ཀྱི༷་འོ༷ད་ཟེ༷ར་དཀར་དམར་དུ་འཕྲོ༷་ཞིང་ཀུན་ཏུ་ཁྱབ་པ་དེ། རང་ཉིད་ཀྱིས་མཆོད་པ་དང་ཕན་གདགས་པར་མོ༷ས་པ༷འི་སངས་རྒྱས་དང་སེམས་ཅན་ཐམས་ཅད་ཀྱི་ཐུ༷གས་ལ༷་ཕོག་པས་བདེ་ཆེན་གྱི་ངང་དུ་མཉེ༷ས་པར་བས༷མ་ན༷ས་འཁོར་འདས་ཐམས་ཅད་བདེ་ཆེན་གྱི་ངང་དུ་སྦྱངས་པའི་བྱིན་རླབས་དྭངས་བཅུད་ཐམས་ཅད་འོ༷ད་ཟེར་གྱི་རྣམ་པར་འདུ༷ས་ཏེ། སྤྲོ་གཞི་ཐོ༷ག་མ༷འི་གཟུ༷གས་ཡུམ་གྱི་མཁ༷འ་ན་གནས་པའི་བྱང་སེམས་
21-2-12a
དཀར་དམར་ལ༷་གཟུད་ཅིང་ཐིམ་པས་མུ་ཏིག་ལྟར་གསལ་བར་བསམ་ལ་དེ་ལྟ་བུའི་བྱང་སེམས་དེ། ཕྱག༷་མཚ༷ན་རྡོ་རྗེ་ལ་སོགས་པ་དང་གསུང་སྙིང༷་པོ༷་འབྲུ་བརྒྱད་དང་དེར་མ་ཟད་སྐུ་ཕྲ༷་མོ༷་ད༷ག་གི་རྣམ་པར་གསལ་བའི་འཕྲོ་འདུ་བརྟན༷་པ༷ར་རེ༷ད་ན༷ས་ཡུམ་གྱི་མཁ༷འ་ལ༷་བཞ༷ག་པར་བྱ་སྟེ། དེ་ལྟར་ཕྱག་མཚན་ལ་སོགས་པའི་རྣམ་པར་འཕྲོས་པས་རྒྱལ་བ་ཐམས་ཅད་ཀྱི་གསང་བ་གསུམ་གྱི་བྱིན་རླབས་བསྡུ་བ་དང་འགྲོ་བ་ཀུན་གྱི་སྒོ་གསུམ་གྱི་སྒྲིབ་པ་སྦྱོང་ཞིང་བརྟན་གཡོའི་དྭངས་མ་སྡུད་པར་བྱེད་པའི་རྣམ་པས། འཁོར་འདས་ཀྱི་དཔལ་ཡོན་བསྐྱོད་ཅིང་བསྐུལ༷་བ༷འི་ར༷ང་བཞི༷ན་ཅན་ཀུ༷ན་འདུ༷ས་པ༷་ཡི་དམ་རྫས་དེ༷ས་ཀྱང༷་། མཆོད་དང་དངོས་གྲུབ་ལེན་པ་སོགས་རྣལ་འབྱོར་བས་ཅི་ལྟར་འདོད་པ་བཞིན་དུ་སྤྲོ་བ༷འི༷་ལ༷ས་ཀུན༷་བྱེ༷ད་དེ་འདོད་དགུར་གྱུར་པའི་རིན་པོ་ཆེ་ཞེས་བྱའོ། །གཉིས་པ་གཞན་དོན་ལྷུན་གྲུབ་སྒྲོལ་བའི་ལུང་ལྟར་བཤད་ན། ཆོས་ཐམས་ཅད་ཆོས་ཉིད་དམི༷གས་སུ་མེ༷ད་པའི་རང་བཞིན་ལ་ཏིང་འཛིན་སྟོབ༷ས་སུ་གྱུར་པ་ཉིད་ཀྱི༷་གདི༷ང་དང་ལྡན་པ་ཅ༷ན་གྱིས༷། ཐུགས་རྗེ་ཆེན་པོས་ཐབས་ལ་མཁས་པས་དཔལ་ཧེ་རུ་ཀའི༷་སྐུ༷་མཆོ༷ག་འཇིགས་བྱེད་འབ༷ར་བའི༷་ཚུལ༷་ཅན་འཁོར་དང་བཅས་པ་ཉིད་
21-2-12b
དུ༷་བས༷མ་ལ། ཞིང་གི་དངོས་པོ་སྒྲུབ༷་པའི་རྫ༷ས་དེ༷་ད༷ག་བསྒྲལ་བའི་རྫས་སུ་བྱིན༷་གྱིས༷་བ༷རླབ་པར་བྱ་སྟེ། དེ་ཡང་བསྒྲལ་བྱའི་དངོ༷ས་པོ༷་ནི་བསྲེག་གཏོར་སྦྱངས་ཏེ་སྟོང་པའི་ངང་ལས་སེམས་ཉིད་ཡི་གེ་ཨ༷་རྒྱུ༷་ཏིང་ངེ་འཛིན་གྱིས་བྱིན༷་གྱིས་བཪླ༷བ་པར་བྱས་ན༷ས་གནས་པ་ན། གསལ་བའི་ཚད་ཀྱང་ནོར་བུ་ལས་ཇི་འདོད་འབྱུང་བ་ལྟར་སེམས་ཀྱི་རང་བཞིན་རི༷ན་ཆེ༷ན་དེ་ལས་ཀྱང་ཇི་ལྟར་དམིགས་པ་བཞིན་དངོས་སུ་ཏིང་འཛིན་གྱི་སྤྱོད་ཡུལ་དུ་གས༷ལ་བ༷ར་ཤ༷ར་ཞིང་འདོད་དགུར་བསྒྱུར་དུ་རུང་བས་སེམས་ལས་སུ་རུང་བ༷་ད༷ང་། བྱང༷་ཆུབ༷་སེམ༷ས་ཀྱི༷་རང་བཞིན་དེ་ལས་འོ༷ད་ཟེ༷ར་ཕྱོགས་བཅུར་འཕྲོ༷་ཞིང་ཁྱབ་པས་གཉིས་མེད་ཀྱི་བདེ་བ་ལ་མོ༷ས་པ༷འི་ཚུལ་གྱིས་ཁ་སྦྱོར་དང་ལྡན་པར་བཞུགས་པ་ཧེ་རུ་ཀ་ཡབ་ཡུམ་འཁོར་དང་བཅས་པའི་ཐུག༷ས་ལ༷་ཕོག་པས་མཆོད་ཅིང་མཉེ༷ས་པར་བས༷མ་ན༷ས། སླར་འོ༷ད་དེ་དག་འདུ༷ས་ཏེ་སྔར་ལྟར་ཐ་མལ་པའི་གཟུགས་སམ་ཐོ༷ག་མ༷འི་གཟུག༷ས་སུ་བསམ་པ་དེ་ལ༷་གཟུད༷་པར་བྱའོ། །དེ་ནས་ལམ་རྒྱུད་ལྔར་སྐྱེ་བའི་རྒྱུན་གཏན་དུ་གཅོད་པའི་ཕྱིར་གནས་ལྔར་རིགས་ལྔའི་ཕྱག༷་མཚ༷ན་དང༷་སྙི༷ང་པོ༷་དཔའ་བོ་འབྲུ་ལྔ་ཕྲ༷་མོ༷་གསལ་བས་རྒྱུད་ལྔའི་ས་བོན་བསྲེག་སྦྱངས་བྱས་ཏེ་རིགས་ལྔ་སོ་སོའི་སྐུ༷་
21-2-13a
ཕྲ༷་མོ༷་ད༷ག་ཏིང་ངེ་འཛིན་གྱི་སྤྱོད་ཡུལ་དུ་གསལ་ཞིང་བརྟན༷་པ༷ར་གྲུབ་པའམ་རེད༷་ནས༷། མས་ནས་ཡར་རིགས་ལྔའི་སྐུ་རྣམས་གཅིག་ལ་གཅིག་ཐིམ་ཞིང་བསྡུ་བའི་སྦྱོར་བས་གནས་སྦྱོང་ཞིང་རྣམ་པར་ཤེས་པ་རྡོར་སེམས་ཀྱི་རྣམ་པས། འོག་མིན་ན་བཞུགས་པའི་ཞི་ཁྲོའི་ལྷ་ཚོགས་ཡབ་ཡུམ་ཐབས་ཤེས་སུ་འབྲེལ་བའི་སྦྱོར་མཚམས་ཀྱི་མཁ༷འ་ལ༷་བསྟིམ་ནས་དེ་བཞིན་གཤེགས་པའི་སྲས་སུ་བཞ༷ག་པར་བྱའོ། །དེ་ལྟར་བསྒྲལ་བའི་ཐབས་ཟབ་མོ་དང་ལྡན་པར་བྱས་ན་ཏིང་ངེ་འཛིན་གྱི་མཐུས་བསྐུལ༷་བའི༷་ར༷ང་བཞི༷ན་ཅན་བདེ་བར་གཤེགས་པ་འཁོར་དང་བཅས་པ་ཀུན༷་འདུ༷ས་པ༷་དེ༷ས་ཀྱང༷་བསྒྲལ་བྱ་འཁོར་བ་ནས་མྱང་འདས་སུ་གནས་སྦོར་བའམ་སྤྲོ༷་བ༷འི་ཕྲིན་ལ༷ས་རྣམ༷ས་བྱེ༷ད་པས་ན་ལྷག་པར་ཡང་གནས་སྤོར་ནུས་ལ། དེ་ལྟ་བུ་ཐབས་ཀྱིས་བསྒྲལ་བའི་ཕུང་པོའི་དངོ༷ས་པོ་དག་ཀྱང༷་དཀྱིལ་འཁོར་གྱི་ལྷ་རྣམས་ལ་མཆོ༷ད་པའི༷་རྫ༷ས་སུ༷་བསྔོ༷་བར་བྱའོ། །
领受大修成就
གཉིས་པ་སྒྲུབ་པ་ཆེན་པོས་དངོས་གྲུབ་བླང་བ་ལ། དངོས་གྲུབ་ཀྱི་མཚན་མ་བརྟགས་པ། ངེས༷་ནས་སྒྲུབ་ཆེན་བརྩམ་སྟེ་དངོས་གྲུབ་བླང་བའོ། །
辨成就征兆
དང་པོ། དངོས་གྲུབ་ཐོབ་པ་ལ་བ༷ར་ཆ༷ད་བྱེ༷ད་པའི༷་བགེ༷གས་ཆེན༷་པོ་གང་དག་བྱུང་བ་ཡང༷་། སྐྱེ་མེད་ཀྱི་
21-2-13b
ངང་ལས་སྐྱེ་བའི་ཆོ་འཕྲུལ་དཔལ་ཆེན་པོར་གསལ་བའི་ཏིང་འཛིན་གཡོ་མེད་ཀྱི་གདིང་དང་ལྡན་པ་འཇི༷གས་པ༷་མེ༷ད་པ༷འི་སེ༷མས་སུ་གནས་པ་ཉིད་ཀྱིས༷་ཅི་རིགས་སུ་དུས་དྲུག་ཏུ་རྒྱུ་བའི་ཉུལ་ལེ་བསྐྲད་པ་ལ་སོགས་པས་བཟློག༷་པར་བྱའོ། །དངོ༷ས་གྲུ༷བ་སྦྱིན༷་པར་མཛད་པའི༷་ཡེ་ཤེས་ལྷའི་གཟུག༷ས་ཅ༷ན་ནམ་མཚན་མ་བྱུང་བ་ལ་ཡ༷ང་། དངོས་གྲུབ་ཐོབ་ན་ཅི་མ་རུང་སྙམ་དུ་རེ༷་བ་ད༷ང་མི་ཐོབ་པར་བར་ཆད་དུ་དོ༷གས་པ་ད༷ང་། ཐོབ་པར་འགྱུར་རོ་སྙམ་དུ་དག༷འ་བ༷་ཡི༷་སེམས་དང་། གཞན་ཡང་ཐེ་ཚོམ་ལ་སོགས་པ་རྣམ་རྟོག་སྣ་ཚོགས་སྐྱེ་བས་དངོས་གྲུབ་ལ་བར་ཆད་དུ་བྱེད་སྲིད་པས་རེ་དོགས་ལ་སོགས་པ་དེ་ལྟ་བུ་ང༷ན་པའི༷་དོ༷ན་ཅན་གྱི༷་སེ༷མས་མི༷་དབྱུང༷་བར་བྱ་སྟེ། མཉམ་པའི་ལྟ་བས་ཟིལ་གྱིས་མནན་པར་བྱའོ། །དེ་ཡང་ཕ༷ན་བྱེད་ཀྱི་ལྷ་དང་གནོ༷ད་པར་བྱེ༷ད་པ༷་བགེགས་རྣམ༷་པ་གཉི༷ས་པོ༷་གང་ཡིན་མ་ངེས་པའི་མཚན་མ་འདི་ལྟར་གཟུག༷ས་སུ་སྣང་བ་ད༷ང་། སྒྲ༷་རུ་གྲགས་པ་ད༷ང་། དྲི༷་བསྣ༷མ་བ་ད༷ང་ནི༷་རྣ༷མ་པ༷་གསུ༷མ་པོ༷ར་བསྟན་ཏེ་བྱུང༷་བ༷་ན༷། བློ་འཁུ་འཕྲིག་གི་དོ༷གས་པ་ད༷ང་བཅ༷ས་པའི༷་སེ༷མས་སྤ༷ངས༷་ཏེ། ཐབས་དང་བློ་གྲོས་ཀྱིས་བཟང་ངན་གྱི་བྱེ༷་བྲ༷ག་མ་ནོར་བ་ཉིད་དུ༷་ནི༷་ཤེས༷་པར༷་བྱ༷་དགོས་ཤིང་། ཕྱིའི་མཚན་
21-2-14a
མ་ཙམ་ལ་གཙོ་བོར་མི་འདོན་པར། རྣལ་འབྱོར་པ་ནང་གི་ཉམ༷ས་ཟབ་མོ་ཉིད་ཀྱི༷་ཕྱག༷་རྒྱ་སྟེ་མི་འཆུག་པར་བྱ་བའི་གནད་ཀྱི་རྒྱས༷་ར༷ང་གིས་བསྒྲུབ་བྱའི་དོ༷ན་གྲུབ་བམ་མ་གྲུབ་ས༷ད་པར་བྱས་ནས་ངོས་ཟིན་པར་བྱའོ། །ག༷ལ་ཏེ༷་རང་དོན་གྲུབ་པ་དངོས་གྲུབ་ཀྱི་མཚན་མ་མིན་པར་བགེགས་ཀྱི་མཚན་མ་ཡིན་ན་ནི། བར་དུ་གཅོད་པའི་འབྱུང༷་པོ༷་དེ་དག་ལིངྒ་ལ་དགུག་བསྟིམ་བྱས། ཕུར་བུས་གདབ་ལ་ཁྲོ་བོ་རོལ་པའི་བྲོས་གཟིར་ཞིང་བསྐལ་པའི་བར་དུ་ལྡང་མེད་དུ་མན༷ན་པ༷ར་བྱའོ༷། །
解之勤大修
གཉིས་པ་རྡོ་རྗེ་སེམས་དཔའ་མཆོག་གི་སྟོན༷་པ༷ས་ཧེ་རུ་ཀའི་གལྤོ་སོགས་ལས་དུས་གྲངས་མཚན་མའི་བསྙེན་པ་གསུམ་གྱི་ཚུལ་བསྟན༷་པ༷འི་ལུང༷་བཞི༷ན་དུ༷། བསྒྲུབ་པའི་ཞ༷ག་གྲ༷ངས་ཀྱི་དུ༷ས་ནི༷་བརྟག༷་སྟེ་ཚད་ལ་ཕྱིན་པ༷འམ༷། དུས་མ་ངེས་ཀྱང་གྲུབ་པའི་མཚ༷ན་མ༷་བརྟན༷་པོ༷ར་བྱུང༷་བ༷་ན༷། འདོད་དོན་དངོས་སུ་གྲུབ་པའི་ཕྱིར་སྒྲུབ༷་པ༷་ཆེ༷ན་པོ༷་ཕྱི་ནང་གསང་བའི་ཚུལ་དུ་བརྩམ༷་པ༷ར་བྱའོ༷། །དེ་ཡང་བསྒྲུབ་པར་བྱ་བ་རྡོ༷་རྗེ༷་དངོས་གྲུབ་དམ་པ་ཉིད། ཉི༷་མ༷་ནུབ༷་ཅིང༷་དམར་ཐག་ཆད་ན༷ས་ནི༷། སྐྱ༷་རེ༷ངས་འཆ༷ར་བ༷འི་བར་གྱི་མཚན་མོའི་ཐུན་དེ་དག་ཏུ༷་དངོས་གྲུབ༷་
21-2-14b
ལེན་པའི་ཆོ་གས་བསྒྲུབ༷་པར་བྱ་དགོས་པས་སྨན་རཀ་སྦྲེང་ཞིང་དངོས་གྲུབ་ཀྱི་རྫ༷ས་ལ༷་ཧཱུྃ་གི་དབྱང༷ས་དང་བཅས་པའི་ཏིང་ངེ་འཛིན་གྱིས་ཐུགས་དམ་བསྐུལ་ཞིང་དཀྱིལ་འཁོར་གྱི་ལྷ་ལ་བསྟོ༷ད་ཅིང་མཆོ༷ད་པའི་རིམ་པ་ཉིད་ཀྱིས༷་དགྱེས་པའི་སྒོ་ནས་སྣང་སྲིད་ལྷའི་དཀྱིལ་འཁོར་འོད་དུ་ཞུ་བ་རྫས་ལ་ཐིམ་པའི་ཚུལ་གྱིས་དངོ༷ས་གྲུ༷བ་བསྡུ༷ས་ཏེ༷་ཡི་གེ་གསུམ་གྱི་རྣམ་པར་རྡོ་རྗེ་ལྕེས་མྱོང་བས་རང་ཉིད་སྐུ༷་གསུ༷ང་ཐུག༷ས་ཀྱི་དངོས་གྲུབ་ཐོ༷བ་པར་བྱས་ལ། དེ་ད༷ང་རྗེས་སུ་འབྲེལ་བར་སློབ་མ་གཞན་ལའང་དངོས་གྲུབ་ཀྱི་རྫས་དེས་རྒྱུད་བྱིན༷་གྱིས་བཪླ༷བ་པ་དང་དངོས་གྲུབ་ཐོབ་པར་དབ༷ང་བསྐུར༷་བར་བྱ༷འོ། །
领受成就
གསུམ་པ་རྗེས་ནི་སྒྲུབ་པའི་གཏོར་མ་ལུས་དངོས་གྲུབ་བླང་ལ་ལྷག་མ་ཆ་གསུམ་དུ་བགོས་པའི་དང་པོ་ལ་སྦྱིན༷་སྲེག༷་བྱ་བ་དང་། བར་མ་ལ་ཧེ་རུ་ཀ་ལ༷ས་ཀྱི་བཟླ༷ས་པ་བྱ་ཞིང་མཁ༷འ་འགྲོ༷་བསྐྱང༷་། གསུམ་པ་མི་ཟད་པའི་གཏེར༷་དུ་སྦ༷་བར་བྱའོ། །དེ་ནས་ཏིང་འཛིན་དང་གཟུགས་བརྙན་གྱི་དཀྱི༷ལ་འཁོ༷ར་བསྡུ༷་བ༷་ད༷ང་། སྨོན༷་ལ༷མ་གདབ་ཅིང་བཀྲ༷་ཤི༷ས་བརྗོད། དལ་བསྡུས་པས་མ་སྲིང་མཁའ་འགྲོ་རྣམས་དབྱིངས་སུ་གཤེགས་པ་སླར་བརྟེན་ཅིང་དགའ་བའི་ཕྱིར་རུ་ལུ་གར་གྱི་བྲོ༷་བརྡུ༷ང་སྟེ་གླུ་དང་རྩེད་འཇོ་བྱ། དགེ༷་བའི་
21-2-15a
རྩ་བ་བསྔོ༷་ཞིང་མཆེད་ནང་ཕན་ཚུན་དང་ཀུན་གྱིས་སློབ་དཔོན་དང་དཀྱིལ་འཁོར་ལྷ་ལ་མ༷་ད༷ག་པ་བཤ༷གས་པ༷་ད༷ང་གཏང་རག་བཏང་། དེ་ནས་ཞི་བ་དང་ཁྲོ་བོ་གང་བྱེད་པའི་རྒྱུན༷་གྱི༷་ཏིང༷་འཛི༷ན་ལ་ནན༷་ཏན༷་བྱ༷་ཞིང་། བསྙེན་སྒྲུབ་བྱས་པའི་མཚོན་དུས་གསུམ་གྱི་ལེགས་བྱས་ཐམས་ཅད་ཀུན༷་ཀྱང༷་སེམ༷ས་ཅ༷ན་ཐམས་ཅད་ཀྱི་དོ༷ན་དུ༷་དཔལ་ཧེ་རུ་ཀའི་གོ་འཕང་དམ་པ་ཐོབ་པའི་ཕྱིར་བསྔོ༷་བར་བྱའོ། །
竟义
བཞི་པ་མཛད་བྱང་འགྱུར་བྱང་ནི། སྒྲུབ༷་པ༷་ཆེ༷ན་པོ༷་ཡ༷ང་ད༷ག་པ༷ར་གྲུབ༷་པ༷་སོགས་སོ། །བླ་མའི་བཀའ་བཞིན་ཚུལ་འདི་དག །རྣམ་པར་བཤད་པའི་དགེ་བ་ཡིས། །དོན་གཉིས་ལྷུན་གྲུབ་དཔལ་ཆེན་པོར། །འགྲོ་ཀུན་མྱུར་བ་ཉིད་གྱུར་ཅིག །ཅེས་པ་འདི་ནི་ཡོངས་རྫོགས་བསྟན་པའི་མངའ་བདག་རིག་འཛིན་གྱི་རྒྱལ་པོ་པདྨ་འོད་གསལ་མདོ་སྔགས་གླིང་པའི་སྙན་བརྒྱུད་ཀྱི་ཆོས་སྡེར་བཞུགས་པ་བཞིན་རྗེ་དེ་ཉིད་ཀྱིས་ལམ་འདིའི་སྨིན་གྲོལ་བཤད་ལུང་བཅས་པ་སྩལ་ཞིང་བཀའ་ཡིས་གནང་བ་བྱིན་པའི་དོན་ལྟར་མི་ཕམ་འཇམ་དབྱངས་རྣམ་པར་རྒྱལ་བས་བྲིས་པ་ཕྱོགས་ཐམས་ཅད་དགེ་ལེགས་ཀྱི་སྣང་བས་ཁྱབ་པར་གྱུར་ཅིག་གུ། །སརྦ་མངྒ་ལཾ། །
21-2-15b
སྒྲུབ༷་པ༷་ཆེ༷ན་པོ༷་ཡ༷ང་ད༷ག་པ༷ར་གྲུ༷བ་པ༷་ཞེ༷ས་བྱ༷་བ༷་གྲུ༷བ་པ༷འི་སློ༷བ་དཔོ༷ན་ཆེ༷ན་པོ༷་བ༷ཛྲ༷་ཧཱུ༷ྃ་ཀ༷་ར༷འི་ཞ༷ལ་སྔ༷་ན༷ས་མཛ༷ད་པ༷་རྫོ༷གས་སོ༷། །བོ༷ད་ཀྱི༷་ལྷ༷་བཙ༷ད་པོ༷་ཁྲི༷་སྲོ༷ང་ལྡེ༷འུ་བཙ༷ན་གྱི༷་བཀ༷འ་ལུང༷་གི༷ས་དཔ༷ལ་ནཱ༷་ལེ༷ནྡྲ༷འི་གཙུག༷་ལ༷ག་ཁ༷ང་དུ༷། རྒྱ༷་ག༷ར་གྱི༷་མཁ༷ན་པོ༷་ཧཱུ༷ྃ་ཀ༷་ར༷་དེ༷་ཉི༷ད་ད༷ང་། ཞུ༷་ཆེ༷ན་གྱི༷་ལོ༷་ཙཱ༷་བ༷་བ༷ནྡྷེ༷་གནུབ༷ས་ན༷མ་མཁ༷འི་སྙིང༷་པོ༷ས་བསྒྱུར༷་ཅི༷ང་ཞུས༷་ཏེ༷་གཏ༷ན་ལ༷་ཕ༷བ་པ༷འོ།། །།


目录
略说清净成词疏
名义
译敬
正文
所缘修
修持方便
修持者
修持者如何修
修持前行
断违缘界
顺缘设坛城
坛城灌顶
修持正行
修寂静尊
观三摩地
与其供养并礼敬
修愤怒尊
正修
寂静转愤怒相
迎请并供养
礼敬
祈加持及奉承
总义
个别
领受大修成就
辨成就征兆
解之勤大修
领受成就
竟义